Вооружен напад во американската држава Илиноис: 3 загинати, 3 ранети

РОКФОРД

Вооружен напад во кој животот го загубија 3 лица, а уште 3 се ранети е извршен во американската сојузна држава Илиноис, пренесува Агенција Анадолија (АА).

Дан Ошеј, претставник на полицијата, за медиумите изјави дека вооружено лице пукало во куглана во градот Рокфорд.

Ошеј информираше дека како последица на истрелите од огненото оружје 3 лица ги загубија животите, а уште 3 лица се ранети, додавајќи дека е приведен осомничениот, кој е на 37-годишна возраст.

Започната е истрага во врска со вооружениот напад.