Извештајот од аутопсијата на убиената активистка Ајшенур покажува дека била погодена директно во главата

ИСТАНБУЛ (АА) - Судско-медицинскиот извештај до кој дојде Анадолу дава нови сознанија за смртта на Ајшенур Езги Ејги, турско-американска активистка што беше застрелана од израелската војска на 6 септември на Западниот Брег, јавува Анадолу.

Ејги (26) учествуваше на мирен марш кај Абу Сбеих во Беита, Наблус, кога во главата е погодена од истрел од пушка истрелан од израелските воени сили, се вели во извештајот објавен од палестинското Министерство за правда.

Д-р Рајан Ал-Али, директор на Институтот за судска медицина при Националниот универзитет Ан-Наџах, го спроведе прелиминарниот надворешен преглед во хируршката болница „Рафидија“ во име на јавноста.

- Обвинителство во Наблус -

Ејги со возило на брза помош во 14 часот и 6 минути била пренесена во болницата во петокот, 6 септември 2024 година. По пристигнувањето е забележано дека нема витални знаци, има срцев застој со проширени и фиксирани зеници.

Прелиминарниот преглед открил „влезна рана од огнено оружје на левата страна на главата, зад левото уво, од која е излезено мозочно ткиво“.

„И покрај непосредната ендотрахеална интубација и кардиопулмонална реанимација, таа е прогласена за мртва во 14:35 часот.“

Компјутерската томографија без контраст покажа пробивна прострелна рана низ задната лева страна на мозокот, која ги зафатила малиот мозок, продолжениот мозок и основата на черепот „без излезна рана или фрагменти“.

Куршумот дополнително создал „повеќе фрагменти што предизвикале расцепи и модринки во мозокот, субарахноидално крвавење, субдурален хематом и пневмокраниум“.

Потоа телото е пренесено во Институтот за судска медицина на Националниот универзитет Ан-Наџах за дополнително испитување и обдукција.

Извештајот покажа дека Ејги „беше во добра нутритивна и мускулна состојба“.

„Модринки на левата страна на челото и страничниот дел на левото око укажуваат на траума во согласност со ударот од земјата во моментот кога била погодена од куршумот“.

„Забележано е собирање крв во горниот очен капак на десното око и од левото уво, што укажува на фрактури на основата на черепот“, се открива во извештајот.

-„Пробивна прострелна рана“ -

Во форензичкиот извештај смртта на Ејги им се припишува „на хеморагија, едем и руптура на мозочното ткиво предизвикано од пробивна рана од огнено оружје“.

Проектилот е опишан како „фрагментиран и стабилен, со траекторија во внатрешноста на кранијалната празнина со движење одлево кон десно по речиси права патека.“

Минатата недела американскиот претседател Џо Бајден го нарече „несреќен случај“ пукањето на израелскиот снајперист на окупираниот Западен Брег.

„Очигледно тоа беше несреќа, се рикошетирал од површината и таа случајно е погодена. Сега го сфаќам тоа“, им рече Бајден на новинарите во вторникот.

Израелската армија соопшти дека е „многу веројатно“ Ејги да била „индиректно и ненамерно“ погодена од оган од нејзините сили.

Американскиот државен секретар Ентони Блинкен рече дека убиството на Ејги од страна на Израел е „неиспровоцирано и неоправдано“ и дека е „неприфатливо“.

Ејги, родена во Анталија, Туркије, во 1998 година, дипломирала во јуни на Универзитетот во Вашингтон, каде што студирала психологија и блискоисточни јазици и култури.

Таа пристигнала на Западниот Брег минатиот вторник за да волонтира со Меѓународното движење за солидарност како дел од напорите за поддршка и заштита на палестинските земјоделци.