Кина го ослободи вработениот во Конзулатот на Велика Британија во Хонгконг

ХОНГКОНГ (АА) - Кинеската полиција соопшти дека е ослободен вработениот во Конзулатот на Велика Британија во Хонгконг, кој е во притвор од 8 август, пренесува Anadolu Agency (AA).

Претставниците на безбедноста на градот Шинчин, кој се наоѓа на границата со Хонгконг, соопштија дека е ослободен Симон Ченг, вработен во трговската и инвестициска единица на Британскиот конзулат во Хонгконг, кој е приведен на 15 дена за „кршење на Законот за јавна безбедност“.

Британските власти го потврдија ослободувањето на Ченг.

Семејството на вработениот во Конзулатот во вторникот преку социјалните медиуми соопшти дека Ченг на 8 август отишол во Шинчин на службено патување и оттогаш нема контакт со него.