Колумбија: Во свлечиште загинаа 14 лица

БОГОТА

Во административниот регион Рисаралда, Колумбија, во свлечиште предизвикано од обилните дождови животот го загубија 14 лица, а 35 се повредени, пренесува Агенција Анадолија (АА)

Во градовите Доскуебрадас и Переира, Рисаралда, се создадоа купишта кал на улиците поради поплавите.

Националната единица за управување со ризици од катастрофи на Колумбија соопшти дека 14 лица ги загубиле животите, 35 лица се повредени, а едно лице се води како исчезнато во свлечиштето предизвикано од врнежите.

Војниците и пожарникарите ги поддржуваат напорите за пребарување и спасување.

Карлос Маја, градоначалникот на Переира, наведувајќи дека се обидуваат да достават помош до луѓето во областите погодени од катастрофата, истакна дека продолжуваат напорите за евакуација.

Секоја година во Колумбија поплавите и свлечиштата кои се создаваат како последица на обилните дождови, предизвикуваат многу луѓе да ги загубат животите, а исто така и сериозни материјални штети.