Минатата година се пријавени над 1.300 инциденти на расизам во Австрија

ВИЕНА (АА) - Минатата година во Австрија се случиле најмалку 1.302 инциденти на расизам, пренесува Анадолу.

Според извештајот за 2023 година што го објави невладината организација „Работа за граѓанска храброст и антирасизам“, повеќето од нападите се случиле на дигитални платформи.

Педесет и осум отсто од случаите се случиле преку интернет, а 42% биле извршени во социјални услови.

Според Рита Исиба, шефицата на оваа невладина организација, реалниот број на расистички инциденти веројатно е многу поголем.

Таа нагласи дека повеќето случаи на расизам не се ниту пријавени.

Исиба истакна дека расизмот е општествен проблем, а не индивидуален и дека за него е потребна политичка акција.

Таа нагласи дека политичарите треба да воведат национален акционен план против расизмот и да го спроведат колку што е можно поскоро.