Најмалку 46 загинати досега од тропската бура Трами на Филипините

АНКАРА (АА) - Бројот на загинати како резултат на врнежи, поплави и лизгање на земјиштето предизвикани од тропската бура Трами на североистокот на Филипините се зголеми на 46, известува Анадолу.

Според веста што ја објави филипинската новинска агенција (ПНА), властите информираа дека во невремето се повредени 7 лица, а 20 лица се водат за исчезнати.

Властите соопштија дека 46 лица ги загубиле животите во поплавите и одроните предизвикани од тропската бура Трами.

Во изјавата објавена од страна на филипинските воздухопловни сили (ПАФ), се истакнува дека единицата за одговор при катастрофи носела основна помош во погодените области.

Портпаролот на филипинската национална полиција, бригадниот генерал Жан Фахардо, изјави дека поради катастрофата се мобилизирани околу 18.000 полицајци.

Фахардо изјави дека доколку се подобрат временските услови, во регионот ќе биде испратен хеликоптер во пребарување и спасување на преживеаните.

На Филипините, каде просечно се случуваат 20 бури и тајфуни секоја година, во тајфунот Хаијан во 2013 година животот ги загубија повеќе од 7.300 луѓе и се случија големи разурнувања.