Неколку лица повредени во изрелски напад врз Јужен Либан и покрај прекинот на огнот

ИСТАНБУЛ (АА) - Израелската армија изврши нов напад врз Јужен Либан денес, при што голем број лица се повредени, објавија локалните медиуми, јавува Анадолу.

Официјалната новинска агенција ННА соопшти дека израелски дрон удрил во автомобил во близина на градот Бајсарија во округот Сидон.

Не се објавени дополнителни детали за бројот на жртви.

Агенцијата, исто така, објави дека израелски дронови летале над регионот Иклим Ал-Туфа на средна надморска височина.

Од израелската армија немаше веднаш коментар за медиумските извештаи.

Уште две лица ги загубија животите во израелските напади во неделата.

Тензиите во Јужен Либан се зголемуваат со недели, при што израелската армија ги интензивираше речиси секојдневните воздушни напади врз либанска територија врз основа на тврдења дека напаѓаат членови на Хезболах и инфраструктура.

Израелската армија уби повеќе од 4.000 луѓе и повреди речиси 17.000 во нападите врз Либан, кои започнаа во октомври 2023 година и се претворија во целосна офанзива во септември 2024 година.