Нетанјаху најави дека наскоро ќе го посети Бахреин

ЕРУСАЛИМ (АА) - Израелскиот премиер, Бенјамин Нетанјаху изјави дека наскоро ќе го посети Бахреин, со кој неговата земја постигна договор за нормализација на односите, пренесува Агенција Анадолија (АА).

Нетанјаху на снимката објавена на социјалните мрежи вели дека телефонски разговарал со престолонаследникот и премиерот на Бахреин, Селман бин Хамад бин Иса ал Калифа.

За време на разговорот Ал Калифа го повика Нетанјаху во посета на Бахреин, на кое тој одговори дека наскоро ќе ја посети Манама.

Нетанјаху не го прецизираше датумот на посетата.

Од друга страна, претходно е соопштено дека министерот за надворешни работи на Израел, Габи Ашкенази, следната недела ќе престојува во официјална посета на Бахреин.

Израел и Бахреин на 15 септември на свеченост во Белата куќа постигнаа договор за нормализација на односите.