Aida Cako
16 Октомври 2025•Ажурирај: 17 Октомври 2025
СКОПЈЕ (АА) - Илјадници раселени Палестинци поставија шатори меѓу надгробните споменици на гробиштата во Хан Јунис, јужниот дел на Појасот Газа, откако избегаа од силното бомбардирање, јавува Анадолу.
Снимките од дрон направени покажуваат семејства кои се борат да преживеат во импровизирани засолништа без основни услуги или инфраструктура.
Жените и децата се соочуваат со сериозни здравствени и психолошки предизвици, како што се продлабочува хуманитарната криза, додека локалните извори повикуваат на создавање безбедни и соодветни засолништа.
Минатата недела американскиот претседател Доналд Трамп објави дека Израел и Хамас се согласиле за првата фаза од планот што го предложи на 29 септември за воведување прекин на огнот во Газа, ослободување на сите израелски заложници во замена за палестинските затвореници и постепено повлекување на израелските сили од целиот Појас Газа. Првата фаза од договорот стапи на сила во петокот.
Втората фаза од планот предвидува воспоставување нов управувачки механизам во Газа без учество на Хамас, формирање безбедносни сили составени од Палестинци и војници од арапските и исламските земји и разоружување на Хамас.
Од октомври 2023 година во израелските напади врз Појасот Газа убиени се повеќе од 67.600 Палестинци, повеќето од нив жени и деца.
