САД: Двајца загинати во вооружен напад во трговски центар во Тексас

ОСТИН (АА) - Две лица загинаа, а тројца се повредени во вооружен напад во трговски центар во градот Остин, во американската сојузна држава Тексас, пренесува Анадолу.

Градските служби за итна медицинска помош објавија соопштение во врска со вооружениот напад извршен во трговскиот центар.

Во соопштението се нагласува дека во вооружениот напад загинале 2 лица, додека 3 лица се повредени, од кои едно е во тешка состојба.

Полицијата преку платформата X соопшти дека сѐ уште не е фатен напаѓачот.

Исто така, полицијата упати апел до очевидците доколку имаат фотографија или снимка во врска со нападот да ја достават до полициските сили.