Сирија: Воздухопловните сили на Асадовиот режим извршија напад врз центарот на Идлиб

ИДЛИБ (АА) – Најмалку три лица загинаа во воздушен напад извршен од силите лојални на режимот на Башар ал Асад во центарот на градот Идлиб во северозападна Сирија, јавува Анадолу.

Според информациите добиени од извори на Цивилната заштита, борбен авион на режимот Су-22 го гаѓал центарот на градот Идлиб и округот Маарат Мисрин на северот на Идлиб.

Според првичните сознанија, во нападот врз центарот на градот загинале најмалку три лица, а повеќе лица се повредени.

Според првичните информации, во воздушниот напад извршен од руски воен авион врз шаторскиот град Арабтелхидје во селото Харбанус во северен Идлиб загинале вкупно седум лица, пет деца и две жени, а 12 лица се повредени.

Судирите избија на 27 ноември меѓу силите на режимот на Асад и антирежимските вооружени групи во западниот дел на Алепо, северна Сирија, што означи повторна ескалација на судирот по период на релативно затишје во граѓанската војна што избувна во Сирија во 2011 година.