Hakan Çopur
30 Декември 2017•Ажурирај: 30 Декември 2017
ВАШИНГТОН (АА) - Американскиот претседател, Доналд Трамп, во врска со протестите во Иран, порача дека оваа земја мора да ги почитува правата на сопствениот народ, вклучувајќи ја и слободата на изразување, јавува Anadolu Agency (AA).
Трамп за протестите во Иран се обрати преку социјалната мрежа Твитер.
„Доаѓаат информации за мирни протести на жителите на Иран, на кои им е доста од режимска корупција и расејување на национално богатство на тероризмот во странство. Иранската администрација мора да ги почитува правата на својот народ, вклучувајќи ја и слободата на изразување. Светот го следи овој процес “, порача Трамп.
По иранските градови Машад и Кашмар, протестите против режимот и власта на претседателот Хасан Рухани продолжени се и во градот Кеманшан. Демонстрантите порачуваат дека се противат на скапиот живот во земјата. Снимките на социјалните мрежи покажуваат дека се работи за масовни протести.
