Турскиот и азербејџанскиот претседател го отворија аеродромот во Зангилан

ЗАНГИЛАН (АА) - Турскиот претседател Реџеп Таип Ердоган и неговиот азербејџански колега Илхам Алиев заеднички го отворија новиот аеродром во областа ослободена од ерменската окупација, јавува Агенција Анадолија (АА).

Ердоган е првиот шеф на држава што слета на Меѓународниот аеродром „Зангилан“, вториот аеродром во Азербејџан на териториите што беа вратени од Ерменија за време на војната во Карабах во 2020 година.

Во октомври 2021 година Ердоган му се придружи на Алиев во официјалното отворање на Меѓународниот аеродром „Фузули“.

За време на еднодневната работна посета на Ердоган, двајцата лидери ќе направат чекор за нови проекти за развој на регионот.

Подоцна, Ердоган и Алиев ќе разговараат за билатералните односи и чекорите за унапредување на соработката. Ќе разменат мислења и за актуелните регионални и глобални случувања.

Претходно овој месец, Ердоган, Алиев и ерменскиот премиер Никол Пашинјан имаа краток разговор пред Самитот на Европската политичка заедница во главниот град на Република Чешка, Прага.

По состанокот Ердоган рече дека Анкара сака да ги подобри односите меѓу трите земји и да ги реши отворените прашања.