„ЕУ систематски ги блокира барањата за визи на турските граѓани“

ИСТАНБУЛ (АА) – Барањата на турските граѓани за шенген-визи систематски се блокираат, изјави за Анадолу претседателот на Асоцијацијата на турски туристички агенции (TURSAB), Фируз Багликаја.

„За жал, постои систематска бариера за барањата за визи [на турските граѓани]. Згора на тоа, стапките на одбивање со кои се соочуваат нашите граѓани што аплицираат за визи, исто така, значително пораснаа“, рече Багликаја.

„Стапката на одбиени барања за визи во 2023 година порасна, од 15 отсто во 2022 година, на 50 отсто“, додаде тој.

Неодамна турските граѓани се соочуваа со проблеми за визи, како што се зголемен поостар надзор на апликациите за виза и месеци чекање само за да добијат датум за закажување.

Вчера претседателот Реџеп Таип Ердоган вети дека ќе го реши проблемот со кој се соочуваат турските граѓани за добивање визи за Европа и Соединетите Американски Држави.

„Ќе го решиме проблемот со визите, кој се користи како политичка уцена, што е можно поскоро“, рече Ердоган.

Багликаја истакна дека има обиди да се ограничи слободата на патување и дека туристичките агенции што организираат патувања во странство трпат сериозни загуби во бизнисот.

Закажувањата порано беа достапни за една недела до 10 дена, но сега се одложуваат поради намалувањето на квотите, рече тој.

„Институциите посредници ги упатуваат нашите граѓани и агенции до службата за аплицирање за ВИП-виза бидејќи термини за редовни визи не е можно да се закажат или во последно време се закажуваат термини со далечни датуми“, објасни тој.