ОСМАНИЈЕ (АА) - Готвачот Јашар Ајдин спроведува сопствена хуманитарна акција и секојдневно ги обиколува турските региони погодени од земјотресите, делејќи храна и помош за преживеаните и спасувачките тимови на теренот, известува Анадолу.
Ајдин во разговор со новинарот на Анадолу рече дека секој ден дели по 6.000 сендвичи во регионите погодени од земјотресите.
Секојдневно патувајќи од град во град, главно во руралните населби, Ајдин не дели само храна, туку и облека, печки, греалки и агрегати.
„Ќе ги обиколам сите места и села во секоја област погодена од земјотресите. Тоа се нешта што можеме да ги сториме. Заедно ќе ги залечиме овие рани“, рече Ајдин.
Во хуманитарната мисија заедно со својот син им испорачуваат храна и на повредените кои се донесени во турскиот град Адана на лекување.
