Турскиот министер Фидан: Туркије ќе продолжи да ги поддржува Палестинците на секое поле

АНКАРА/ИСТАНБУЛ (АА) - Туркије ќе продолжи да ги поддржува Палестинците на секое поле, вклучително и олеснувањето на итната хуманитарна помош за Газа, изјави министерот за надворешни работи на Туркије, Хакан Фидан, според дипломатски извори, јавува Анадолу.

Во телефонски разговори со претседателот на Шурата (Советот) на Хамас, Мухамед Исмаил Дервиш, и членовите на Политичкото биро на Хамас, Фидан, исто така, посака договорот за прекин на огнот во Газа меѓу палестинската група Хамас и Израел да биде корисен за сите.

Претходно, катарскиот премиер и министер за надворешни работи Мухамед бин Абдулрахман го објави успехот на посредниците во постигнувањето договор за прекин на огнот во Појасот Газа, истакнувајќи дека неговото спроведување ќе започне оваа недела.