Турските сили неутрализираа 6 терористи во северна Сирија

Турските вооружени сили (ТСК) неутрализираа 6 терористи во северниот дел на Сирија, пренесува Агенција Анадолија (АА).

Информацијата преку соопштение ја потврди Министерството за национална одбрана на Турција.

Во соопштението се наведува дека се неутрализирани 6 терористи во рамки на гаѓањата за легитимна самоодбрана врз зоните Завјан, Шалах, Тел Џиџан и Тел Унајб во источниот дел на сирискиот град Тел Рифат.

Се истакнува дека еден од убиените терористи е сторител на нападот извршен на 5 август врз амбулантно возило и градежно возило во подрачјето, во кој загинаа 2 лица.