Greqia vendos kufizime në protesta

Projektligji i përgatitur në Greqi për të sjellë kufizime në protesta u miratua në parlament me shumicën e votave, raporton Anadolu Agency (AA).

Sipas ligjit të ri demonstratat që mund të shkaktojnë ngjarje të dhunës do të mund të ndalohen. Ata që do të marrin pjesë në protestat e ndaluara do të dënohen me 1 vit burg, ndërsa ata që do të marrin pjesë në dhunë 2 vite.

Ora e fillimit dhe mbarimit e protestës si dhe destinacioni i marshimit paraprakisht duhet të njoftohet tek policia nëpërmjet një platforme elektronike.

Demonstratat e 1 majit ditës së punës dhe përvjetorit të kryengritjes studentore "17 nëntor" kundër juntës së kolonelëve në vitin 1967, nuk duhet të paralajmërohen.

Amnesty International ligjin e ri e cilësoi si "intervenim ndaj të drejtës së pjesëmarrjes në protesta paqësore".

Ndërkohë në protestat në Athinë dhe Selanik ndaj projektligjit ndodhën përplasje mes grupeve të ndryshme dhe policisë.

Në protestat u arrestuan 15 persona prej të cilëve 9 u dërguan në paraburgim.