Maqedoni e Veriut, 16 raste të reja me COVID-19

Gjatë 24 orëve të fundit në Maqedoninë e Veriut u regjistruan 16 raste të reja të koronavirusit (COVID-19) duke rritur numrin e përgjithshëm të rasteve që nga fillimi i pandemisë në vend në 155.732, transmeton Anadolu Agency (AA).

Në periudhën e njëjtë nuk është regjistruar asnjë viktimë nga COVID-19 dhe bilanci i vdekjeve nga ky virus në vend mbetet 5.486.

Instituti i Shëndetit Publik sot regjistroi 4 pacientë të shëruar nga COVID-19, ndërsa numri i përgjithshëm i të shëruarve deri më tani është 150.104.

Aktualisht, numri i rasteve aktive me COVID-19 është 142.

Ministria e Shëndetësisë informon se në 24 orët e fundit janë kryer 2.873 teste për COVID-19 ndërsa deri më tani janë kryer gjithsej 894.904 teste në vend.