Lutfhansa anulon 156 fluturime për në Bruksel

FRANKFURT (AA) - Linja ajrore gjermane Lufthansa, njoftoi se për shkak të shpërthimeve në Bruksel, ka anuluar të gjithë fluturimet për në Bruksel mes datave 25-28 mars, raporton Anadolu Agency (AA).

"I anulojmë të gjithë fluturimet në Bruksel mes datave 25-28 mars. Kjo së bashku me anulimet e datave 22-24 mars do të thotë se janë anuluar 156 fluturime të Brukselit nga Frankfurti dhe Mynihu" thuhet në deklaratën e Lutfhansa-s.

Në deklaratë gjithashtu u theksua se për udhëtarët të cilët në këto data do të shkojnë në Bruksel ose që do të vijnë nga ky qytet, do t'iu ndërrohen biletat pa pagesë ose mund të anulohen, theksohet se ky proces do të jetë i vlefshëm edhe te kompanitë Linja Ajrore e Austrisë, Lufthansa, Linja Ajrore Bruksel, Swiss dhe Eurowings të cilat janë të Grupit Lufthansa.

Në sulmet terroriste në aeroportin "Zaventem" dhe stacionin te metrosë Maelbeek të Brukselit, përveç sulmuesve humbën jetën 31 persona, ndërsa së paku 260 persona u plagosën. Ka shqetësime se mund të rritet numri i të vdekurve për shkak se gjendja e disa të plagosurve është rëndë.