Ankara, gjatë zjarrit në një treg digjen rreth 250 dyqane

ANKARA (AA) – Ekipet zjarrfikëse kanë vënë në kontroll zjarrin i cili sot herët në mëngjes përfshiu tregun e qytetit, në vendin Kecioren, në Ankara, raporton Anadolu Agency (AA).

Zjarri në tregun Osmanli Halk Pazar shpërtheu sot në orën 04:00 të mëngjesit, ndërsa sipas vlerësimeve të para zjarri shkrumboi së paku 250 dyqane dhe punëtori zejesh në kompleksin e tregut.

Ekipet zjarrfikëse janë duke punuar për kontroll shtesë për të parandaluar përhapjen e zjarrit dhe rrezikun për vendbanimet përreth.

Pas shpërthimit të zjarrit në treg mbërritën pjesa më e madhe e pronarëve të dyqaneve dhe punëtorive të djegura dhe tentonin të nxirrnin mallin që eventualisht ka mbetur pa u dëmtuar.