Biden beson se pengjet e mbajtura nga Hamasi do të lirohen

Presidenti i SHBA-së, Joe Biden, ka synuar të qetësojë familjet e mbi 200 pengjeve të mbajtura në Rripin e Gazës së rrethuar nga Hamasi, duke theksuar se ai beson se lirimi i tyre do të ndodhë, transmeton Anadolu.

“Kam folur me njerëz të përfshirë çdo ditë. besoj se do të ndodhë, por nuk dua të hyjë në detaje”, u tha Biden gazetarëve në Shtëpinë e Bardhë.

I pyetur se cili është mesazhi i tij për familjet, Biden tha: “Mbahuni atje. Ne po vijmë”.

Pengjet u dërguan në Gaza pas sulmit ndërkufitar të Hamasit më 7 tetor, kur u vranë rreth 1.200 njerëz. Izraeli ka reduktuar numrin e viktimave nga një vlerësim i mëparshëm prej mbi 1.400.

Katari po udhëheq përpjekjet e vazhdueshme ndërmjetësuese midis Hamasit dhe Izraelit që synojnë të sigurojnë lirimin e pengjeve.

Dje, krahu i armatosur i grupi palestinez tha se Izraeli po zvarritet për një marrëveshje të mundshme që të lirojë dhjetëra pengje izraelite në këmbim të lirimit të grave dhe fëmijëve palestinezë që mbahen në burgjet e Izraelit.

Izraeli vlerëson se të paktën 239 persona, përfshirë personel ushtarak dhe civil, po mbahen peng nga Hamasi në Rripin e Gazës.

Izraeli ka vrarë mbi 11 mijë palestinezë, përfshirë gra dhe fëmijë, përveç dëmtimit dhe shkatërrimit të mijëra strukturave civile në sulmet e tij të pamëshirshme ajrore dhe tokësore në Gaza që nga muaji i kaluar.