Şeyma Uzundere
20 Janar 2022•Përditësim: 20 Janar 2022
Agjencia Qendrore e Inteligjencës e SHBA-së (CIA) njoftoi se forcat e jashtme nuk janë përfshirë në sëmundjen misterioze të njohur si “Sindroma e Havanës”, transmeton Anadolu Agency (AA).
Sipas lajmit të NBC, CIA në raportin e saj mbi temën "Sindroma e Havanës" arriti në përfundim se nuk ishte një fushatë globale nga një fuqi armiqësore që synonte diplomatët dhe spiunët amerikanë.
Gjithashtu thuhet se raporti ishte zhgënjyes për ata që ishin prekur nga sëmundja dhe nuk pati asnjë koment nga zyrtarët e CIA-s për këtë temë.
Nga ana tjetër, ata që reaguan ndaj raportit pretenduan se zbulimet e CIA-s mund të konsideroheshin si një vlerësim i përkohshëm dhe nuk ishin të koordinuara me agjenci të tjera të përfshira në këtë çështje, si Departamenti i Mbrojtjes.
Sekretari amerikan i Shtetit, Antony Blinken më 13 janar deklaroi se numri i njerëzve që vuanin nga sëmundja misterioze po rritet dhe se kërkimet mbi këtë temë po vazhdojnë.
- Çfarë është "Sindroma e Havanës"?
Sëmundja misterioze u zbulua në Havana të Kubës, ku u vërejt për herë të parë tek diplomatët kanadezë dhe amerikanë dhe familjet e tyre që shërbyen në Kubë në vitet 2016-2017.
Stafi diplomatik dhe familjet e tyre në vend kishin filluar të raportonin simptoma që ata i përshkruan si marramendje, humbje ekuilibri dhe dëgjimi, ankth etj. Këta persona kanë thënë se papritmas kanë dëgjuar zhurma që rreth tyre nuk i dëgjojnë dhe më pas kanë ndjerë presion dhe dridhje.
Në pranverën e vitit 2017, stafi i Ambasadës Kanadeze në Havana filloi të kishte ankesa si marramendje dhe dhimbje koke të shkaktuara nga sëmundja misterioze e quajtur “Sindroma e Havanës”.
Ankesa të ngjashme u bënë nga 21 punonjës në Ambasadën e SHBA-së në Kubë. Administrata e Washingtonit në shtator të 2017 tërhoqi shumicën e personelit të saj të rangut më të ulët nga vendi.
Diplomatët kanadezë, të cilët morën një sëmundje misterioze teksa ishin në detyrë në Kubë, ngritën një padi 21.1 milionë dollarëshe për kompensim kundër qeverisë së Otavës.
Qeveria kubane kishte njoftuar se akuzat misterioze për sulmin zanor, të cilat dyshohet se u ekspozuan nga diplomatët amerikanë të vendosur në vend, nuk pasqyrojnë të vërtetën.
