Demonstrata në Izrael, kërkohet përshpejtim i hetimit kundër Netanyahut

TEL AVIV (AA) – Protestues të shumtë anembanë Izraelit janë duke kërkuar përshpejtim të hetimit kundër kryeministrit Benjamin Netanyahu, i cili dyshohet për korrupsion, raporton Anadolu Agency (AA).

Gazeta izraelite "Yediot Ahronot" raporton se qindra demonstrues u mblodhën mbrëmë para shtëpisë së prokurorit të Shtetit, Avih Mandelblit, në qytetin Petah Tokvah.

Demonstruesit kërkojnë nga prokurori që të përshpejtojë hetimin për aktivitetet korruptive në të cilat ka qenë i përfshirë kryeministri Netanyahu.

Paralelisht me protestat para shtëpisë së prokurorit, në të njëjtin kohë më kërkesa të njëjta, qindra demonstrues u mblodhën në qendër të qytetit Afula në veri të Izraelit.

Demonstruesit kërkojnë që hetimi të kryhet shpejtë dhe të përcaktojë nëse kryeministri Netanyahu është i përfshirë në skandale korrupsioni, ndërkohë që akuzojnë qeverinë e shtetit dhe institucionet se qëllimisht bllokojnë procesin e zbardhjes.

Ka disa vjet që kryeministri izraelit Netanyahu është vënë në qendër të hetimeve lidhur me akuzat për korrupsion. Deri më tani ka dhënë katër dëshmi në prokurori, ndërkohë sa vijnë e rriten zërat që kërkojnë dorëheqjen e tij.