Ferdi Bayat
27 Tetor 2023•Përditësim: 27 Tetor 2023
Të paktën 5 persona u plagosën pasi një raketë goditi një vendbanim në qytetin Taba të Egjiptit, transmeton Anadolu.
Sipas mediave lokale egjiptiane, raketa goditi rezidencën e ndarë për menaxhimin e spitalit Taba.
Në lajm thuhet se janë plagosur 5 persona dhe se nuk ka humbje jete.
Në vendngjarje u dërguan forcat e sigurisë dhe nuk dihet nga është lëshuar raketa. Lidhur me incidentin kanë nisur hetimet.
Ndërkohë nga autoritetet egjiptiane nuk është dhënë ende ndonjë deklaratë zyrtare lidhur me ngjarjen.
