Etiopia ka nevojë për 130 milionë maska

Etiopia njoftoi se vendi ka nevojë për rreth 130 milionë maska për t'u përdorur në objektet shëndetësore në vend, transmeton Anadolu Agency (AA).

Ministrja e Shëndetësisë, Dr. Lia Tadesse në deklaratën për gazetarët tha se në vend në fillim të pandemisë së koronavirusit të ri (COVID-19) ka pasur 4 milionë maska dhe se deri më tani vetëm 7 milionë maska kanë siguruar për institucionet shëndetësore.

Ajo tha se në katër muajt e ardhshëm do të ketë nevojë për 130 milionë maska, duke shtuar se në vend gjenden vetëm 221 respiratorë.

Ministrja potencoi se vazhdojnë përpjekjet për prodhimin e maskave vendase me standardet e nevojshme dhe se punojnë për rritjen e kapacitetit të testimeve.

Shteti i Afrikës Lindore ka një popullsi prej mbi 100 milionë banorë ndërsa deri më tani janë konfirmuar 1.257 raste me COVID-19 ndërsa 12 persona e kanë humbur jetën nga virusi.