Forcat kundër regjimit përparojnë në periferitë kyçe të Homsit në Siri

Grupet e armatosura kundër regjimit në Siri kanë filluar të hyjnë në periferi të qendrës së qytetit Homs, një provincë me rëndësi strategjike që shërben si një portë për në kryeqytetin Damask, raporton Anadolu.

Sipas burimeve, grupet e udhëhequra nga Hay’at Tahrir al-Sham (HTS) kanë marrë nën kontroll zona të mëdha territori që nga ofensiva e befasishme e nisur javën e kaluar.

• Forcat anti-regjim në Siri po përparojnë në provincën strategjike të Homsit
• Siri, rrëzohet statuja e Hafez al-Asadit nga popullata në Hama
• PKK/YPG po zë vendin e forcave të regjimit sirian në rajonin Deir ez-Zor
• Siri, forcat e regjimit përleshen me opozitarët në Daraa në jug të vendit
• Provinca e Homsit është zemra e Sirisë në aspektin ekonomik

Pasi dje morën kontrollin e qytetit qendror Hama, ata vazhduan përparimin e tyre në rajon.

Duke marrë kontrollin e qendrave të qytetit Rastan dhe Talbiseh, forcat opozitare përparuan në lagjen Waer në pjesën perëndimore të Homsit.

Përleshjet midis forcave të regjimit sirian dhe grupeve kundër regjimit shpërthyen fillimisht më 27 nëntor në zonën rurale perëndimore të Halepit.

Forcat anti-regjim në Siri po përparojnë në provincën strategjike të Homsit https://t.co/H4h39omLqn pic.twitter.com/5CYywfLt86

— Anadolu Shqip (@aa_albanian) December 6, 2024

Deri më 30 nëntor, forcat opozitare morën kontrollin e pjesës më të madhe të qendrës së qytetit të Halepit dhe vendosën dominimin e tyre në të gjithë provincën e Idlibit.

Më 1 dhjetor, Ushtria Kombëtare Siriane (SNA) e opozitës nisi operacionin "Agimi i Lirisë" kundër grupit terrorist PKK/YPG në Tel Rifat të Halepit, duke çliruar zonën nga elementët terroristë.