"Franca ka tejkaluar limitin e dioksidit të azotit"

Gjykata Evropiane e Drejtësisë (GJED) sot vendosi se Franca nuk ka respektuar kufizimin e dioksidit të azotit për gati 10 vjet, transmeton Anadolu Agency (AA).

"Franca ka tejkaluar në mënyrë sistematike dhe të vazhdueshme limitin vjetor të dioksidit të azotit që nga 1 janari 2010", tha GJED në një deklaratë.

Komisioni filloi "procedurat e shkeljes" kundër Francës në vitin 2014, pasi niveli i dioksidit të azotit ishte më i lartë se sa duhej të ishte në disa zona të vendit në vitin 2010, thuhet më tej në deklaratë.

"Megjithëse kishte miratuar plane që lidhen me cilësinë e ajrit dhe/apo masa të tjera që synojnë zvogëlimin e emetimeve të dioksidit të azotit, ajo nuk ka arritur të përmbushë detyrimet e saj për të siguruar që periudha e tejkalimit të ishte sa më e shkurtër që të jetë e mundur", thuhet më tej.

Si një nga grupet e gazrave shumë reaktivë, dioksidi i azotit ngritet në ajër nga djegia e karburantit. Thithja e ajrit me një përqendrim kaq të lartë të rastit të azotit mund të irritojë kanalet e frymëmarrjes të njeriut, thotë Agjencia Amerikane për Mbrojtjen e Mjedisit.