Gjermania zgjat mandatin e trupave të saj në Kosovë

BERLIN (AA) - Gjermania ka zgjatur mandatin e Forcës së Paqes (KFOR) të NATO-s në Kosovë dhe Forcës së Përkohshme të Paqes së Kombeve të Bashkuara (OKB) në Liban (UNIFIL), transmeton Anadolu.

Parlamenti gjerman ka miratuar vendimin e qeverisë për të zgjatur me një vit tjetër mandatin e trupave forcave të KFOR në Kosovë dhe të UNIFIL në Liban.

Në votimin e mbajtur në Asamblenë Federale, 391 deputetë votuan pro, 189 votuan kundër dhe 2 abstenuan për misionin e KFOR-it. Ndërsa për misionin UNIFIL 393 deputetë votuan pro, 180 votuan kundër dhe 2 deputetë abstenuan.

Forcat e armatosura gjermane ndodhen në Kosovë që nga qershori i vitit 1999 si pjesë e misionit të KFOR-it.

Ky mision, i cili ka vazhduar për 26 vjet, aktualisht njihet si operacioni i huaj më i gjatë i ushtrisë gjermane. Vendi mund të vendosë deri në 400 ushtarë në këtë mision në Kosovë, ku aktualisht ka rreth 300 ushtarë.

Gjermania mund të dërgojë gjithashtu deri në 300 ushtarë në misionin e UNIFIL-it. Aktualisht ka rreth 100 ushtarë gjermanë që shërbejnë në UNIFIL.

Forcat Detare të OKB-së aktualisht komandohen nga një admiral gjerman.