Hezbollahu shënjestron objektet ushtarake në veri të Izraelit

Hezbollahu njoftoi se ka gjuajtur me raketa objektet ushtarake në veri të Izraelit dhe zonat ku janë përqendruar ushtarët izraelitë, transmeton Anadolu.

Në një deklaratë në platformën e rrjeteve sociale Telegram, Hezbollahu tha se është kryer sulm me raketë në zonën ku ishin mbledhur ushtarët izraelitë rreth rajonit Al-Marj afër kufirit libanez.

Një raketë është hedhur në pozicionin e artilerisë së ushtrisë izraelite në vendbanimin Dishon në veri të Izraelit dhe se në shënjestër ka qenë edhe pozicioni i artilerisë izraelite në qytezën Dalton, thuhet në deklaratë.

Sulmet erdhën "në mbështetje të popullit të vendosur palestinez në Rripin e Gazës, rezistencës së tyre të guximshme dhe të ndershme, në mbrojtje të Libanit dhe popullit të tij dhe në përgjigje të pushtimeve barbare të Izraelit", theksohet më tej.