Indonezi, 10 të vdekur gjatë zjarrit në një pus nafte

YOGYAKARTA (AA) – Së paku dhjetë persona kanë humbur jetën, ndërsa 19 të tjerë janë lënduar në zjarrin që sot në mëngjes shpërtheu në pusin e naftës në provincën indoneziane Açeh, raporton Anadolu Agency (AA).

Një përfaqësues i Mbrojtjes lokale civile njoftoi se zjarri shpërtheu në pusin e naftës në fshatin Pasir Putih, nga ku nafta tërhiqet në mënyrë tradicionale.

Burimi i njëjtë bëri të ditur se deri te zjarri erdhi pasi nafta kishte tejmbushur pusin, ndërsa shumica e banorëve tentonin të blinin naftë.

“Ndodhi shpërthim i cili shkaktoi zjarr në pusin, ndërsa stuhia e zjarrtë u përhap shpejtë ashtu që njerëzit nuk kishin kohë të arratisen”, tha Hendro.

Ekipet e shpëtimit edhe më tej janë në vendin e ngjarjes dhe druajnë se bilanci i të vdekurve mund të rritet duke marrë parasysh se zjarri nuk është shuar.

Së paku pesë shtëpi në afërsi të pusit janë djegur.