Iran, numri i viktimave nga COVID-19 rritet në 21.137

Me 117 vdekjet e regjistruara gjatë 24 orëve të fundit nga koronavirusi i ri (COVID-19) në Iran, numri i përgjithshëm i viktimave është rritur në 21,137, transmeton Anadolu Agency (AA).

Zëdhënësja e Ministrisë së Shëndetësisë së Iranit, Sima Sadat Lari tha se në vend janë shënuar 2.190 raste të reja me COVID-19, duke e çuar numrin e përgjithshëm të rasteve në 367.796.

Ajo tha se numri i të shëruarve deri më tani në vend ka arritur në 316.638 ndërsa 3.822 janë të hospitalizuar në kushte kritike.

Irani tenton të frenojë pandeminë që nga shkurti kur rastet e para u konfirmuan në qytetin Qom.