Itali, vazhdon të rritet numri i viktimave të tërmetit

ROMË (AA) - Rritet në 290 numri i personave që kanë humbur jetën si pasojë e tërmetit që goditi pjesën qendrore të Italisë, raporton Anadolu Agency (AA).

Ditën e sotme është mbajtur ceremonia mortore për 35 personat nga të cilët 2 prej tyre fëmijë që u nxorën nga rrënojat e shkaktuara nga tërmeti me magnitudë prej 6 ballë që ditën e martë u regjistrua në Accumoli, 140 km në lindje të kryeqytetit Romë.

Në ceremoninë e mbajtur në rajonin e tërmetit në Ascoli Piceno morën pjesë Presidenti i Italisë, Sergio Mattarella, kryetari i Senatit Pietro Grasso, kryetarja e Dhomës së Përfaqësuesve, Laura Boldrini dhe kryeministri Matteo Renzi.

Presidenti Mattarella, ka theksuar se do të vazhdojnë mbështetjen dhe nuk do të lënë të vetëm të dëmtuarit nga tërmeti.

Në rajonin ku vazhdojnë ende punimet e kërkim-shpëtimit dhe të heqjes së rrënojave rritet në 290 numri i personave që kanë humbur jetën si pasojë e tërmetit.

Ndërsa në anën tjetër është njoftuar se deri tani në fondin e mbledhjes së ndihmës me mesazhe të formuar për viktimat e tërmetit nga Njësia e Mbrojtjes Civile janë mbledhur 6 milionë e 120 mijë euro.