Izraeli arrestoi 297 palestinezë në muajin gusht

Ushtria izraelite ka arrestuar 297 palestinezë gushtin e kaluar në Bregun Perëndimor të pushtuar, bënë të ditur organizatat palestineze që monitorojnë kushtet e të burgosurve në burgjet izraelite, transmeton Anadolu Agency (AA).

Në një deklaratë të përbashkët të lëshuar sot nga Komisioni i Punëve të Burgosurve të Autoritetit Palestinez, Shoqata Palestineze e të Burgosurve (PPS), Shoqata për Mbështetjen e të Drejtave të Njeriut Addameer dhe Qendra e Informacionit Wadi Hilweh, 12 fëmijë dhe 10 gra u theksua të kenë qenë midis të arrestuarit.

Deklarata po ashtu shtoi se autoritetet pushtuese izraelite kanë lëshuar 73 urdhra ndalimi administrativ.

Deklarata vuri në dukje se numri i të burgosurve në burgjet izraelite tani është në rreth 4.500, duke përfshirë 41 gra, rreth 140 fëmijë dhe 340 të ndaluar administrativë.

Muajin e kaluar, AA raportoi se shumë palestinezë në burgjet izraelite janë infektuar me koronavirus.