Izraeli vazhdon me arrestimin e palestinezëve në Bregun Perëndimor

JERUSALEM (AA) – Ushtarët izraelitë kanë arrestuar 6 palestinezë në rajone të ndryshme të Bregut Perëndimor, transmeton Anadolu Agency (AA).

Në një deklaratë me shkrim nga ushtria izraelite thuhet se ushtarët e Izraelit kanë arrestuar 6 palestinezë me pretendim se janë përfshirë në “aktivitetet terroriste”.

Në deklaratë thuhet se ndalimet janë realizuar në qytetin Nablus, në kampin El-Xhelezun, në fshatin Kefr Akab dhe në qytetin El-Halil.

Forcat izraelite shpesh po realizojnë bastisje në shtëpitë e Bregut Perëndimor dhe të Jerusalemit Lindor të cilët ndodhen nën pushtim dhe po arrestojnë palestinezët me pretendime të ndryshme.

Sipas të dhënave të zyrtarëve palestinezë, në burgjet izraelite ndodhen rreth 7 mijë palestinezë prej të cilëve 300 janë fëmijë.