Japonia mesazh për "forcimin e bashkëpunimit të sigurisë" me NATO-n

Ministri i Jashtëm japonez, Yoshimasa Hayashi tha se dëshirojnë të forcojnë bashkëpunimin e sigurisë mes Japonisë dhe NATO-s, transmeton Anadolu Agency (AA).

Ministri Hayashi, ndaj bashkëbiseduesve të tij në Samitin e ministrave të Jashtëm të NATO-s ku ai mori pjesë nëpërmjet internetit ka thënë se "Siguria evropiane dhe indo-paqësore nuk mund të konsiderohet kurrë si e pavarur".

Sipas Ministrisë së Jashtme japoneze, Hayashi në samit ka bërë thirrje për të forcuar bashkëpunimin e sigurisë mes vendit të tij dhe NATO-s.

Në fjalimin e tij duke vënë në dukje se disa vende mbështesin "direkt ose në mënyrë indirekte" Rusinë në luftën që ka hapur ndaj Ukrainës, Hayashi theksoi se Kina "ende nuk i ka dënuar" sulmet e Rusisë.

Agjencia e lajmeve "Kyodo" ka tërhequr vëmendjen se thirrja në fjalë për bashkëpunim e Japonisë ka ardhur në periudhë lufte dhe ka theksuar se Hayashi ka nënkuptuar "përpjekjet e Rusisë dhe Kinës për të ‘ndryshuar me forcë status quo-në‘ në rajonet e tyre".