Jordani, protesta masive kundër "Planit të paqes" të SHBA-ve

Mijëra jordanezë sot u mblodhën në kryeqytetin e vendit, Aman, kundër të ashtuquajturit "Plani i paqes për Lindjen e Mesme" të SHBA-ve, raporton Anadolu Agency (AA).

Përkundër shiut të dendur, mijëra jordanezë iu përgjigjën thirrjeve të Lëvizjes Islame Jordaneze dhe partive tjera jordaneze.

Protestuesit u mblodhën për Palestinën dhe brohoritën slogane duke thirrur në mbrojtjen e xhamisë Al-Aksa të Kudsit dhe dogjën flamurin izraelit.

Abdul Hamid Thunaibat, udhëheqësi i Vëllazërisë Muslimane të Jordanisë, ishte në mesin e protestuesve dhe mbajti një fjalim duke paralajmëruar "për komplot amerikan kundër popullit palestinez dhe jordanez".

Aktivitete dhe ngjarje tjera në mbështetje të palestinezëve dhe kundër planit amerikan u zhvilluan në qytete të ndryshme të Jordanisë.

Të martën, presidenti i SHBA-ve, Donald Trump në Shtëpinë e Bardhë së bashku me kryeministrin izraelit Benjamin Netanyahu, pa praninë e asnjë zyrtar palestinez shpalosi planin e tij për t'i dhënë fund konfliktit izraelito-palestinez.