Katari i gatshëm të ndërmjetësojë midis Turqisë dhe Arabisë Saudite

Katari është i gatshëm të ndërmjetësojë midis Turqisë dhe Arabisë Saudite, tha një zyrtar, raporton Anadolu Agency (AA).

Mutlaq Al-Qahtani, i dërguari special i ministrit të Jashtëm të Katarit për Luftimin e Terrorizmit dhe Ndërmjetësimit në Zgjidhjen e Mosmarrëveshjeve, e bëri ofertën në një njoftim.

Duke folur në një simpozium të quajtur "Politika dhe Përvoja e Shtetit të Katarit në Ndërmjetësimin dhe Zgjidhjen e Konflikteve" të organizuar nga Instituti i Dohas për Studime Pasuniversitare, ai iu përgjigj një pyetje rreth gatishmërisë së Katarit për të ndërmjetësuar dhe lehtësuar tensionet midis Turqisë dhe Arabisë Saudite ose midis Arabisë Saudite dhe Iranit.

"Kjo është për shkak të parimit të pëlqimit si parim themelor në marrëdhëniet ndërkombëtare. Nëse këto dy vende e shohin që Shteti i Katarit ka një rol në këtë ndërmjetësim, atëherë është i mundur të bëhet kështu", tha Al-Qahtani.

"Është në interesin e të gjithëve që të ketë marrëdhënie miqësore midis të gjithë këtyre vendeve", shtoi ai.