Koalicioni shumëpartiak në Izrael nën kërcënimin e shpërbërjes

Pas dorëheqjes së deputetes, Idit Silman nga Yamina, partia e kryeministrit Naftali Bennett, e cila mban shumicën në Parlament me 61 deputetë, qeveria e koalicionit shumëpartiak rrezikon të bie, transmeton Anadolu Agency (AA).

Sipas lajmit të Channel 12, Silman u bëri thirrje “anëtarëve të krahut të djathtë në koalicion që ta ndjekin atë” në letrën e saj të dorëheqjes.

Në letrën e saj të dorëheqjes, Silman deklaroi: "Ne u përpoqëm, por është koha për të rishkruar rrugën, është koha për të formuar një qeveri çifute dhe sioniste. Le të bashkojmë duart dhe të zbulojmë vlerat që u zgjodhëm. Unë shoh reagimet e drejta të votuesve që morëm votën dhe nacionalistëve votuesit e krahut që nuk na zgjodhën. Po i jap fund anëtarësimit në koalicion”.

Bennett drejton një koalicion shumëpartiak me 8 parti që u bashkuan dhe siguruan votat e 61 deputetëve në legjislaturën prej 120 vendesh.

- Netanyahu mirëpret zhvillimet

Sipas lajmit të Radios së Ushtrisë Izraelite, Benjamin Netanyahu, kreu i partisë më të madhe në Parlament, Likud, ka zhvilluar një takim me këshilltarët e tij kryesorë pas dorëheqjes së Silman.

Një zyrtar i lartë brenda Partisë Likud, i cili nuk e ka zbuluar emrin ka thënë se Silman e dëshironte postin e ministrit të Shëndetësisë në qeverinë e mundshme dhe në këtë rast mund t'i bashkohej Likud-it.

Netanyahu lëshoi një deklaratë duke përshëndetur dorëheqjen e Silman-it, duke njoftuar se ai "e falënderon atë në emër të masave të njerëzve që e presin këtë moment".

Netanyahu gjithashtu u bëri thirrje mbështetësve të tij që të zhvillojnë një demonstratë para zyrës së kryeministrit në Kudsin Perëndimor këtë mbrëmje duke kërkuar dorëheqjen e qeverisë.

- Debati i Netanyahut në opozitë

Pjesëmarrja e Silman-it në Likud nuk mjafton që Netanyahu, lideri i Likud-it, partia më e madhe në Dhomën e Përfaqësuesve me 30 deputetë, të formojë një qeveri të re.

Ka pasur kundërshtime për formimin e qeverisë së re nga disa parti të tjera opozitare si dhe ndaj postit të kryeministrit të Netanyahut, i cili konsiderohet një figurë e diskutueshme brenda Izraelit.

- Debati me ministrin e Shëndetësisë solli dorëheqjen

Thuhet se dorëheqja e deputetes Silman u shkaktua nga përçarja e saj me ministrin e Shëndetësisë, Nitzan Horowitz.

Më tej thuhet se debati me Horowitz-in për "lejimin e hebrenjve që të sjellin ushqim jo-kosher në spitale për Pashkët " ishte efektiv në dorëheqjen e kryetarit të Komitetit të Shëndetit të Dhomës së Përfaqësuesve, Silman.

- Rastet e korrupsionit të Netanyahut

Netanyahu, i cili shërbeu si kryeministër në Izrael për 15 vjet në vitet 1996-1999 dhe 2009-2021, ka veçorinë si kryeministri më jetëgjatë në vend.

Më 21 nëntor 2019, Prokurori i Përgjithshëm izraelit, Avichai Mandelblit kërkoi që Netanyahu të ndiqej penalisht në tre raste të veçanta korrupsioni me akuzat për "ryshfet, tradhti dhe shpërdorim detyre për qëllime personale".

Seanca e parë e Netanyahut, i cili hyri në histori si kryeministri i parë izraelit që u gjykua gjatë detyrës, u mbajt në Gjykatën e Qarkut të Kudsit më 24 maj 2020.

Netanyahu humbi postin e kryeministrit kur qeveria e koalicionit e udhëhequr nga Naftali Bennett mori një votëbesim më 13 qershor 2021.