Kore e Jugut, masë arresti për nënkryetarin e Samsung

SEUL (AA) - Zëvendëskryetarit dhe trashëgimtarit të kompanisë teknologjike të Koresë së Jugut, Samsung, Lee Jae-yong, i është shqiptuar masë arresti në kuadër të hetimeve në lidhje me skandalin e korrupsionit dhe ndikimit politik i cili hapi rrugën për marrjen e kompetencave edhe nga presidentja e shtetit, Park Geun-hye, raporton Anadolu Agency (AA).

Gjykata Qendrore e Qarkut në Seul ka dhënë vendimin për shqiptimin e masës së arrestit për Lee Jae-yong, i cili akuzohet për dhënie të ryshfetit mikeshës së Park, Choi Soon-sil si dhe fondacioneve që kanë lidhje me të.

Komisioni gjyqësor ka dhënë vendimin se Lee-së duhet shqiptuar masë arresti duke marrë në konsideratë provat e reja.

Prokurorët do të përgatisin aktakuzën brenda 20 ditësh.

Nga ana tjetër, Lee dhe Samsung kanë mohuar akuzat në fjalë.