Ministrat e mbrojtjes të Turqisë dhe Greqisë diskutojnë rreth sigurisë

Ministri turk i Mbrojtjes, Hulusi Akar dhe homologu i tij grek Nikolaos Panagiotopoulos të premten diskutuan çështjet e mbrojtjes dhe sigurisë, raporton Anadolu Agency (AA).

Akar dhe Panagiotopoulos shkëmbyen gjithashtu mendime rreth Detit Egje, Qipros dhe mbi zhvillimet në Mesdheun Lindor.

Akar theksoi se problemet midis Ankarasë dhe Athinës do të zgjidhen brenda kornizës së marrëdhënieve të fqinjësisë së mirë dhe ligjit ndërkombëtar.

Takimi erdhi në margjinat e ditës së dytë të takimit të ministrave të mbrojtjes të NATO-s në Bruksel.