Mjekët kenianë dënojnë mungesën e vaksinave kundër COVID-19

Punonjësit e shëndetësië në Kenia në frontin e parë të luftës me koronavirusin e ri (COVID-19), kryesisht mjekë, janë ankuar publikisht se kanë humbur terminet e caktuara për të marrë dozën e dytë të vaksinës kundër COVID-19 për shkak të mungesës së vaksinave në vend, transmeton Anadolu Agency (AA).

Mjekët nga Sindikata keniane e Mjekëve dhe Stomatologëve (KMPDU) theksuan se shumë herë në qendrat e vaksinimit janë paraqitur dhe se nuk mund të merrnin dozën e dytë për shkak të mungesës së vaksinave.

"Marrim mesazhe të shkojmë të marrim vaksinën në institucione të ndryshme. Megjithatë, kur arrijmë atje, vaksinat nuk janë në dispozicion", tha KMPDU.

Ministria e Shëndetësisë e Kenias dje lëshoi ​​një njoftim duke pranuar mungesën e vaksinave për punonjësit e vijës së parë të frontit, duke pretenduar se ata po bëjnë gjithçka që kanë në fuqi për t'i siguruar ato.