"Nga territori i Libanit lëshohen dy raketa kundër Izraelit"

Pretendohet se dy raketa janë lëshuar nga jugu i Libanit drejt Izraelit, transmeton Anadolu.

Në lajmin e gazetës Al Akhbariyya, e njohur për afërsinë e saj me Lëvizjen Hezbollah në Liban, bazuar në burime të sigurisë libaneze, pretendohet se në mëngjes është kryer një sulm kundër Izraelit.

Thuhet se dy raketa janë lëshuar nga rajoni Mejidiyya në jug të Libanit drejt territoreve palestineze nën pushtimin izraelit.

Lajmi pretendonte se Izraeli gjithashtu iu përgjigj të njëjtit rajon me raketa.

Megjithatë, në një deklaratë të bërë nga zyrtarë të ushtrisë izraelite për mediat e vendit, pretendohet se nuk ka pasur sulm me raketa nga Libani kundër Izraelit dhe se një shpërthim ka ndodhur në kufi si pasojë e shpërthimit të një mine të vjetër.

Ushtria libaneze nuk ka komentuar ende për këtë çështje.