Një shkollë në Londër evakuohet pas "kërcënimit për bombë"

Policia britanike ka evakuuar një shkollë në pjesën veriore të Londrës pas një "kërcënimi për bombë", transmeton Anadolu Agency (AA).

Në llogaritë e mediave sociale u shfaqën video dhe fotografi, ndërsa nxënësit dhe mësuesit u urdhëruan të largohen nga shkolla Stoke Newington në lagjen Hackney.

Sipas policisë së lagjes Hackney, policia u kontaktua nga stafi pak para mesditës.

"Shkolla kishte marrë një kërcënim për bombë. Shkolla u evakuua dhe oficerët janë të pranishëm atje. Është vendosur kordoni dhe policia po heton rastin", tha policia e lagjes.