Njëri prej sulmuesve në Paris ka mbërritur në Europë nëpërmjet Greqisë

ATHINË (AA) - Përcaktohet se njëri prej autorëve të sulmit terrorist në Paris të Francës ka mbërritur në Europë nëpërmjet Greqisë, raporton Anadolu Agency (AA).

Zëvendësministri i Mbrojtjes së Qytetarëve të Greqisë, Nikos Toskas, njoftoi se personi me pasaportë siriane i gjendur pas shpërthimit në stadiumin “Stade de France” ku ndodhi sulmi kamikaz, më 3 tetor ka kaluar në ishullin Leros.

Toskas në një deklaratë ka theksuar se identiteti i mbajtësit të pasaportës është regjistruar sipas rregullave të përcaktuara në samitin e BE-së të mbajtur në lidhje me refugjatët.