Obama takon Dalai Lamën, reagon Kina

PEKIN (AA) - Qeveria e Pekinit ka deklaruar se Shtetet e Bashkuara të Amerikës (SHBA) janë në kundërshtim me premtimet e bëra mbi çështjen e Tibetit, raporton Anadolu Agency (AA).

Zëdhënësi i Ministrisë së Jashtme kineze Lu Kang në një konferencë të zakonshme për media u prononcua në lidhje me takimin në Shtëpinë e Bardhë të presidentit amerikan Barack Obama me liderin shpirtëror të Tibetit Dalai Lama.

"Pavarêsisht në çfarë mënyre është takuar presidenti amerikan Obama me Dalai Laman në Shtëpinë e Bardhë, pala amerikane bie në kundërshtim me premtimet e bëra për pavarësinë e Tibetit që është pjesë e Kinës dhe që nuk mbështet aktivitetet separatiste në Kinë", ka theksuar Lu.