OKB: Bota tani ka rreth 80 milionë refugjatë

Agjencia e OKB-së për refugjatët të enjten deklaroi se 79.5 milionë njerëz janë shpërngulur deri në fund të vitit 2019, kurse Turqia është vendi që strehon numrin më të madh të njerëzve që u detyruan të largohen nga shtëpitë e tyre, raporton Anadolu Agency (AA).

"UNHCR nuk ka parë një total më të lartë", tha Filippo Grandi, komisari i lartë i OKB-së për refugjatët, në një konferencë shtypi në Gjenevë ndërsa njoftoi raportin e Trendit Global të Agjencisë.

"Kjo është shifra më e lartë që ka regjistruar UNHCR pasi këto statistika janë mbledhur në mënyrë sistematike dhe është një arsye për shqetësim të madh.

"Kjo, përndryshe është afërsisht 1 për qind e popullsisë botërore. Asnjëherë nuk kemi arritur në një përqindje kaq shumë të rëndësishme", tha Grandi.

Turqia strehon numrin më të madh të njerëzve të zhvendosur përtej kufijve, 3.9 milionë, shumica e të cilëve janë refugjatë sirianë (92 për qind). Pason Kolumbia, e cila strehon rreth 1.8 milion venezuelas të zhvendosur.

Gjermania radhitet e treta për njerëzit që strehon, rreth 1.5 milion, ku refugjatët sirianë dhe azilkërkuesit përbëjnë grupet më të mëdha (42 për qind).

Pakistani dhe Uganda radhiten si vendi katërt dhe i pestë për nga numri i të strehuarve.

Raporti i publikuar dy ditë para Ditës Botërore të Refugjatëve gjithashtu vë në dukje zvogëlimin e perspektivave për refugjatët kur bëhet fjalë për shpresat për një fund të shpejtë të gjendjes së tyre.

- Numri i të zhvendosurve pothuajse u dyfishua

Në vitet 1990, mesatarisht, 1.5 milion refugjatë ishin në gjendje të ktheheshin në shtëpi çdo vit, bëri të ditur UNHCR. Gjatë dekadës së fundit, ky numër ka rënë në rreth 385 mijë.

"Ne jemi dëshmitarë të një realiteti që ka ndryshuar tek zhvendosja e detyruar në ditët e sotme, jo vetëm që është shumë më e përhapur, por thjesht nuk është më një fenomen afatshkurtër dhe i përkohshëm", tha Grandi.

Shifrat tregojnë se të paktën 100 milionë njerëz u detyruan të largohen nga shtëpitë e tyre në dekadën e kaluar, duke kërkuar strehim si brenda ashtu edhe jashtë vendeve të tyre. Kjo është një ikje e më shumë sesa e gjithë popullata e Egjiptit, vendi i 14-të më i populluar në botë.

Raporti thekson se zhvendosja e detyruar është dyfishuar që nga viti 2010 (41 milionë atëherë krahasuar me 79.5 milionë tani).

Theksohet se 80 për qind e njerëzve të zhvendosur në botë janë në vende ose territore të prekura nga pasiguria akute e ushqimit dhe kequshqyerja, shumë prej këtyre vendeve përballen me rreziqe klimatike dhe rreziqe të tjera nga katastrofa.

Më shumë se tre të katërtat e refugjatëve në botë (77 për qind) janë bllokuar në situata të zhvendosjes afatgjate, siç është situata aktuale në Afganistan tani në dekadën e saj të pestë.

Më tej, më shumë se tetë nga çdo 10 refugjatë (85 për qind) janë në vendet në zhvillim, kryesisht nga një vend fqinj me atë që kanë ikur.

Pesë vende përbëjnë dy të tretat e njerëzve të zhvendosur përtej kufijve: Siria, Venezuela, Afganistani, Sudani i Jugut dhe Mianmari.

UNHCR thekson se Raporti i Trendit Global numëron të gjithë popullsinë që konsiderohen si të zhvendosur dhe refugjatët, përfshirë 5.6 milionë refugjatë palestinezë të cilët janë nën kujdesin e Agjencisë së Kombeve të Bashkuara për Ndihmë dhe Punë për Palestinën.

"Njerëzit nuk mund të pritet të jetojnë në gjendje trazirash për vite me radhë, pa ndonjë shans për t'u kthyer në shtëpi, si dhe pa as një shpresë për të ndërtuar një të ardhme atje ku janë", tha Grandi.