Zehra Nur Düz
16 Shkurt 2021•Përditësim: 17 Shkurt 2021
Varianti britanik i kronavirustit të ri(COVID-19), është zbuluar në Palestinë, njoftoi Ministria palestineze e Shëndetësisë, transmeton Anadolu Agency (AA).
Varianti i Britanisë së Madhe, i njohur si B.1.1.7, u konfirmua në 139 persona në Bregun Perëndimor të okupuar, agjencia zyrtare e lajmeve WAFA citoi të ketë thënë Usame en-Neccar, drejtorin e përgjithshëm të shërbimeve mjekësore Mbështetëse në ministri.
Duke nënvizuar se varianti i ri mund të infektojë edhe fëmijët, Neccar ripërtëriu thirrjet për aderim në protokollet shëndetësore të lëshuara nga Ministria e Shëndetësisë për të ndihmuar në ndalimin e virusit.
Ministria njoftoi më 4 shkurt se Palestina ka marrë 10.000 doza të vaksinës Sputnik V të Rusisë.
Grupi i ri i vaksinave të koronavirusit do të mbërrijë në Palestinë në ditët në vijim, tha ministria pa specifikuar një datë.
Sipas të dhënave të fundit nga Ministria e Shëndetësisë, numri i rasteve të koronavirusit në Bregun Perëndimor dhe Rripin e Gazës arriti në 190.316, duke përfshirë 2.133 vdekje.
