Paris, një i vdekur dhe një i plagosur në dy sulme me thikë

Dy sulme të ndara me thikë në Paris të shtunën lanë të vrarë një 18-vjeçar dhe të plagosur një turist spanjoll, sipas autoriteteve, të cilët kanë përjashtuar çdo lidhje me terrorizmin, transmeton Anadolu Agency (AA).

Të dyshuarit në të dy incidentet u arrestuan menjëherë pas sulmeve.

Një 62-vjeçar mashkull, që besohet të jetë i me origjinë senegaleze, u arrestua pasi goditi dy shitës në gjoks në një dyqan telefonash në qendrën tregtare Claye-Souilly në Seine-et-Marne në periferi të Parisit, thuhet në raportin e kanalit të lajmeve BFMTV.

Sulmuesi dyshohet se kishte një mosmarrëveshje në lidhje me një problem faturimi me shitësit dhe u largua nga dyqani për t'u kthyer me një thikë, tha prokurorja e Meaux, Laureline Peyrefitte, gjatë një konference shtypi.

Peyrefitte hapi hetime për vrasjeje. Shitësi i ndjerë ishte 18 vjeç, kurse shitësi i plagosur 20 vjeç.

Ministri i Brendshëm Gerald Darmanin falënderoi dy punonjës policie jashtë detyre në Twitter për ndërhyrjen dhe mundësimin e arrestimit të autorit të krimit.

Disa orë më vonë, një sulm tjetër me thikë u raportua pranë Place de l'Hotel de Ville në zemër të Parisit, ku mbeti i plagosur një turist spanjoll.

Sulmi ndodhi në rrugën Rivoli, afër bashkisë në lagjen e 4-t të Parisit.

Viktima u sulmua nga një "individ alkoolik i cili e goditi atë me një prerës në qafë, para se të arrestohej shpejt", shkroi në Twitter policia e Parisit.

I dyshuari, i cili supozohet të jete me kombësi rumune, është i panjohur për policinë dhe nuk ka evidencë të mëparshme penale.

Prokuroria e Parisit hapi hetim për tentim për vrasje.