Peru, mijëra persona protestojnë kundër dhunës ndaj grave

SANTO DOMINGO (AA) – Sipas autoriteteve mijëra demonstrues marshuan të shtunën për të protestuar kundër dhunës ndaj grave në Peru, raporton Anadolu Agency (AA).

Demonstrata masive, ku ishte i pranishëm edhe presidenti peruan Pedro Pablo Kuczynski, u organizua nga grupe civile për të tërhequr vëmendjen për këtë çështje dhe kërkuar dënime më të ashpra për sulmuesit në vendin ku 95 femra në vitin 2015 u vranë nga dhuna.

“Asnjë më pak” ishte slogani i përdorur nga demonstruesit në mbrojtje të grave nga Champ de Mars të distriktit Jezu Maria në Lima.

“Problemi i dhunës është se heshtja absorbon godtijen dhe nuk është lehtë të denoncohet”, tha Kuczynski në Twitter. Në një fjalim në marshim ai premtoi të përforcojë Ministrinë e Gruas dhe shprehu mbështetje për viktimat e dhunës. “Ne duam drejtësi”, shtoi ai.

Marshimi u organizua pas raporteve në media se sulmuesit marrin vendime të buta gjyqësore dhe u ndoq po ashtu nga personat e dhunuar dhe autoritetet, duke përfshirë ministrin e Brendshëm dhe të Drejtësisë.

Sipas statistikave nga Ministria e Grave dhe Popullatës së Pambrojtur në vitin 2016, më shumë se 50 gra janë vrarë nga partnerët ose ish-partnerët e tyre .